shaymaa elbadawy
وعن كتابها قالت الكاتبة دنيا صابر على حسابها الشخصي بفيس بوك :
عزيزي القارئ لو غاوي فانتازيا فمعايا هتعيش مغامرة حقيقية بمجرد ما تقرأ المقدمه أنت غرقت جوه المغامره وقابلني لو عرفت تطلع بسهوله لأن الخروج عزيزي عمره ما كان بسهولة زي الدخول.
إنما بقا لو غاوي رعب فأنت جيت في ملعبي أوعى تتخدع في الروايات الرومانسيه والفافي دي لاا دا أنا بأكل مرببه أسود في صالة بيتنا، هتدخل الرواية تلاقي البطل عايش مع بطله بتاكل خفافيش الساعه اتنين بليل وجماجم بتتحدف عليك وحاجات بتسحبك وحد بيرفع اللحاف من عليك فخد بالك ومتقرأش وأنت قافل النور..
بتحب السفر عبر الزمن وغاوي فرهده فموجود أنت بس اقرأ الرواية وأنا هسحلك عزيزي القارئ أجيبك من بلاد أوديك بلاد وأنقلك من العالم دا أحطك في عالم تاني خااالص أجيبلك من الأخر أنا ممكن أنقلك للعصر الروماني وأنت قاعد في صالة بيتكم عادي جدًا ما أنا قولتلك دي لعبتي..
إنما بقا لو غاوي اكشن ودراما فالاكشن كله عندي وبتاعي.
لو عاوز دراما هتعيش فموجود دراما من اللي قلبك يحبها وطبعا الرواية لا تخلو من الرومانسيه صدقني عزيزي أنت بمجرد ما هتبدأ رواية لعنة ممر بهوت فأنت هتعيش وتشوف اللي عمرك ما عيشته ولا شوفته..
دنيا صابر
صالة1 جناحA12
معرض الكتاب لعام٢٠٢٥
دار مدينة الأدباء للنشر والتوزيع
Ara Books
