رغداء جواد تكتب : تعبت من الحداد

تعبت من الحداد والحزن والوجع ..
قرفت من الغباء ..
والرعب اللي اتبدع ..
عمري ما حبيت السواد ..
ولا دمع ام الولاد ..
ولا حبيت الفزع ..
باحب اللون الأحمر ..
لكن في وردة جميلة ..
لكن خلاص كرهته ..
عشان بقى لون حزين ..
للتمن اللي اندفع ..
من غير سبب معروف ..
من غير مقابل مقنع ..
من غير كلام حكيم ..
ينفع يتسمع ..
هموت خلاص بالقهر ..
على اللي راحوا غدر ..
سابوا الليالي ضلمة ..
مش فيها حتى بدر ..
يضوي بلون الأمل ..
سابوا الحياة وراحوا ..
على جنة في الوسع ..
وسابونا مع البكا ..
والقلب اللي اتوجع ..
يا بلدي .. !!

رغداء_جواد

كاتبة ورسامة مصرية