ما بفوقش من اللي فات- شعر عامية

عادل عوف

مابفوقش من اللي فات
و بسأل كان دا ليه
و ايه هى الحاجات
اللى خدعتنى فيه
وإزاي قدرت أأمنه علي روحي واصدقه
وإزاي سلمته قلبي بإيدايا يغرقه
وسري كان معاه حتي تفاصيل حياتي
يا ريتي كنت زيه واعامله بمبدأه
مابفوقش من اللي فات

كتمت كتير في روحي و روحي جلدتها
وأخدت مشاعري فجأة
قلمين علي خدها
وقولت لروحى فوقى
مطحون بحجاره فوقى
دا مسيرك يوم تدوقي
م الدنيا حلوها
مابفوقش من اللي فات

بهرب منى فيه بالنوم او بالكسل
واللي بيسأل عليه
بيندم….إنه إتصل
بيقولوا ابقى عادي
وابقي مبسوط وهادى
واللي بيحصلى نعمه وإفرح انه حصل
مابفوقش من اللي فات

عفويات