Ara Books
د. أمنية محمد
أول فقره في العمود الفقري اسمها أطلس…مين أطلس ده بقى؟
أطلس ده كان من العمالقه اللي وقفوا قدام زيوس (الراس الكبيره في الاساطير الاغريقيه ) و كعادة الاساطير …كان لابد له من عقاب ..و طبعا لازم يبقى عقاب عجيب و دائم طول العمر …انه يفضل شايل قبة السماء للابد…الحقيقه انه في حاجتين …ما تعرفش مين كان شايلها قبله 😀
و ليه في الرسومات و التماثيل بيبقى شايل الكره الارضيه
تقريبا ما عرفوش يرسموا السما و هو شايلها 😀
اطلس ده ليه قصه مع هرقل ( هرقليز يعني ) انه هرقل كان كلف بمهمات منها انه يجيب 3 تفاحات ذهبيه من جنينه معينه فراح لاطلس و شال بداله قبة السما دي عقبال ما يجيبله التفاح و يجي…لما رجع مكانش عايز يرجع يشيلها و كان عايز يدبس هرقل فيها فهرقل ضحك عليه و قاله انه ما يقدرش يشيلها تاني فقبل التحدي و شالها راح سايبه و ماشي 😀 (تنويع لقصة المارد و الصياد في الف ليله و ليله )
وفي أسطورة بتقول أن برسيوس ابن زيوس زار أطلس ؛ فما رحبش بيه ؛ فحوله برسيوس إلى صخرة ضخمة ، وبقت الصخرة دي جبل أطلس في شمال غرب إفريقيا .
ولما اسم أطلس ارتبط بقبة السماء ففكر الناس في العصور الوسطى أن أطلس هو اللي علم الإنسان الفلك . و كتب الخرائط بتسمي أطلس ؛ لأن صورته وهو شايل الارض على كتفه استخدمها في القرن السادس عشر الخرائطي الهولندي ”جيرارد ميركيتور“ اللي يبُنسب إليه تأسيس أول مدرسة خرائطية علمية على غلاف كتابه.
طبعا الفقره اتسمت اطلس عشان شايله الراس زي ما اطلس شايل قبة السما
