فرحٌ مُرتقَب – قصة قصيرة – ميار زاهر

_ هي العروسة فين يا حماتي؟ الفرح ابتدى بقاله حبة والمفروض نطلع دلوقتي… هي معقولة لسه مخلصتش؟؟

_ البت الهبلة متوترة أوي، أنا عارفة إنه طبيعي في يوم زي ده… بس هي متوترة لدرجة إنها بتفكر تمشي ومش عايزة تتجوز.

_ نعم؟؟ هو إحنا رايحين فرح حد تاني ولا إيه!! ده فرحنا.

_ بقولها كده يا بني والبت اتهبلت وعايزة تفركش.

_ هو إحنا لحقنا؟ ده إحنا لسه كاتبين الكتاب من شهر والنهارده فرحنا أهو، بالله يا حماتي اطلعي عقّليها.

_ يا بني دانا ومامتك وباباها طالعين نازلين عندها وهي مصممة متنزلش، أنا كنت لسه جاية أقولك تطلعلها أنت يمكن تهديها شوية وتعقّلها.

_ طيب أنا هطلعلها… . ….. _ مش ناوية تعقلي بقى؟ ده النهارده يوم فرحك يا مجنونة.

_ خضتني يا أدهم.

_ سلامتك من الخضة يا قلب أدهم.

_ آ…. أدهم لو سمحت متوترنيش أكتر ما أنا متوترة.

_ نور… استمتعي يا حبيبتي باليوم ده صدقيني مش هيتعوض، فيه ناس نفسها ترجع ليوم فرحها دقيقة واحدة بس.

_ ا… أنا عارفة بس أنا مش عارفة ليه قلقانة يعني حاسة…..

أمسك يديها بحنان: _ نور أنا عارف إنتي قلقانة ليه… بسبب معظم الأخبار الوحشة اللي بتشوفيها عن الجواز، أنا هسألك سؤال واحد بس، إنتي بتحبيني وبتثقي فيا؟

_ أيوه أكيد.

_ يبقى ملوش لزوم قلقك ده، طبعاً ليكي حق تتوتري بس متقلقيش بسبب الأفكار الوحشة دي، إنتي عارفة إني بحبك وهصونك، وأعتقد يا مجنونتي إنك اختبرتيني في حاجات كتيرة أوي ونجحت فيها مش كده ولا إيه؟

_ أيوه صح بصراحة.

_ أيوه كده وريني ضحكتك الحلوة دي، ويلا بقى يا مجنونة إنتي المعازيم هتمشي، أقولك على حاجة؟ بشكلك القمر ده أنا معنديش مشكلة إننا نلغي الفرح يلا مفيش مشكلة وهقعد معاكي إيه رأيك؟

_ أدهم متكسفنيش بقى، لا خلاص يلا.

_ دلوقتي حبيتي الفرح يعني.

_ أيوه يا رخم يلا.

_ يلا يا قلب الرخم.

……

كان يقود بسرعة جنونية من شدة الفرح: _ هنموت يا مجنون اهدى.

_ خلاص مش مصدق إن بعد كام ساعة هيتقفل علينا باب واحد.

ثمّ أمسك يدها بحب: _ بحبك… بحبك أوي يا نور.

_ احم وأنا كمان بحبك.

ساق بسرعةٍ أكبر من ذي قبل:

_ يلهووووي يا جدعاااان.

ابتسمت بحبٍ له، وهو ظلّ ممسكاً بيديها. ….. _ أدهم أنا متوترة أوي، بص كمية الناس.

أمسك يدها بحبٍّ وطمأنها بنظراته، فبدأ قلبها يهدأ وتشابكت أصابعها بأصابعه، ثمّ دخلا…. وبعد انتهاء حفل الزفاف، الذي كان يملأه السعادة والحب….

_ وأخيراً، أنا بحبك بحبك أوي يا نور، لو قعدت كده أمشي في الشارع وأقول لكل واحد إني بحبك بجد مش هيكفي حبي ليكي.

_ بجد يا أدهم؟

_ بجد يا قلب أدهم.

_ بحبك أوي أوي.

_ يلهوي على كلمة بحبك منك بتخليني أدوب كده.

ابتسمت بكسوفٍ له…. _ بحبك. _ بحبك أكتر.

“واخترتك خير شريك لي”

” تمت بحمد الله “

ميار