بين كفتين لد. أسماء الفولي من مختلف بمعرض الكتاب

نشرت د. أسماء الفولي على صفحتها بفيس بوك :

في كتاب #بين_كفتين، اتكلمت عن فنّ التجارب…
مش كحكايات عدّت وخلاص، ولا كدروس محفوظة نردّدها.

اتكلمت عنها كـ بوابات زي ..
أول مرة تسكت عن وجع كان المفروض يتقال.
أول مرة تتنازل عن مبدأ علشان تمشي الدنيا
أول مرة تحس إن في حاجة غلط… وتكمل.

فنّ التجارب مش إنك تجرّب علشان توقع، ولا إنك تقسى علشان تتعلم.
فنّ التجارب إنك تبقى واعي وإنت جوّه اللحظة،
سامع الصوت اللي جواك
قبل ما تسكته، وشايف الإشارة من غير ما تتجاهلها.

التجارب يا إمّا تنوّرك..يا إمّا تكسّرك…
والفرق دايمًا مش في اللي حصل، لكن في إنت كنت فين من نفسك وقتها.

بين كفتين ما بيقولكش ما تجربش، ولكن بيقولك:

خد بالك من أول خطوة، لأنها ممكن تكون بداية نجاتك…
أو بداية ضياعك.